မြတ်စွာဘုရား လက်ထက်တော်က အရှင်မဟာမောဂ္ဂလာန်ရဲ့ ဆွမ်းခံအိမ်မှာ အမျိုးသမီးငယ် တစ်ယောက်ရှိပါတယ်။ သူ့မှာ ကိုယ်ပိုင် အဓိဋ္ဌာန်လေးတစ်ခု ရှိပါတယ်။ ဘာလဲဆိုတော့ မိမိစားမယ့် အစာရဲ့တစ်ဝက်ကို အလှူခံပုဂ္ဂိုလ်ကို ဦးဦးဖျားဖျားလှူပြီးမှ စားလေ့ရှိတာပါပဲ။ တကယ်လို့ အလှူခံ ပုဂ္ဂိုလ် အလွယ်တကူ မရှိရင်လည်း တစ်ဝက်ကို ဖယ်ထားပြီးမှ စားလေ့ရှိတာပါ။

 

အဲဒီအမျိုးသမီးလေးရဲ့ နောက်ထူးခြားချက် တစ်ခုကတော့ သူတောင်းစားတွေကို ပေးကမ်း ရတာလည်း သိပ်ဝါသနာ ပါတာပါ။

ဒါကြာင့် အမျိုးသမီးငယ်လေးရဲ့ အမေက သူ့သမီးကို နာမည်လေးတစ်ခု ထပ်ပေးထား ပါတယ်။ ဘယ်လိုလဲဆိုတော့ ‘ဒါနဇ္ဈာသယ’တဲ့ ၊ အဓိပ္ပါယ်ကတော့ လှူဒါန်းပေး ကမ်းလိုစိတ် ရှိတဲ့ သူလေးပါတဲ့။

ဒီလိုနဲ့ အရွယ်ရောက်လာတော့ ရာဇဂြိုဟ်ပြည်က အမျိုးသားတစ်ယောက်နဲ့ အိမ်ထောင် ပြုဖြစ်ပါတယ်။

အိမ်ထောင်ကျတော့လည်း ပြုနေကျ သူရဲ့ ဒါန၀တ်ကို ဆက်ပြုပါတယ်။ ဒါတင်မကပါဘူး။ ကောင်းတဲ့ စိတ်ထားလေးတွေက အိမ်မှာကတည်းက ပါလာတာဆိုတော့ သူ့မှာ ကောင်းမြတ် တဲ့ ကံသုံးပါး အမူအရာလေးတွေလည်း ရှိနေပါတယ်။

လင်ယောင်္ကျား အိပ်ပြီးမှအိပ်တယ်၊ ထတဲ့အခါ လင်ယောင်္ကျား အရင်ထဖြစ်တယ်၊ ထိုင်စရာ ရှိရင်လည်း လင်ယောင်္ကျား နောက်ကပဲထိုင်တယ်၊ လင်ယောင်္ကျား နှစ်သက်စေမယ့် အမူအရာ လေးတွေနဲ့ပဲ နေတယ်၊ လင်ယောင်္ကျားကို စကားပြောတဲ့အခါ နားပူနားဆာ စကားကို မပြောဘဲ ချစ်ခင်စရာ စကားကိုပဲ ရွေးပြောတယ်။ လင်ယောင်္ကျားကို ဘယ်လို လုပ်ရမလဲလို့ မေးမြန်း တိုင်ပင်ပြီးမှ လုပ်တယ်၊ လင်ယောင်္ကျားရဲ့ မျက်နှာကိုကြည့်ပြီး သူ့အလိုကျပဲနေတယ်၊ မှန်တဲ့စကားကိုပဲ ပြောလေ့ရှိတယ်။

နောက်တစ်ခု ထူးခြားတာကတော့ ယောက္ခမလုပ်သူကို အမေမိဘလို သဘောထား ဆက်ဆံတာပါပဲ။ ခေါ်တဲ့အခါမှာလည်း “အမေ အမေ”လို့ပဲ ခေါ်ခေါ်ပြီး ဆက်ဆံပါတယ်။

ဒါပေမယ့် ယောက္ခမနဲ့ ချွေးမ၊ ချွေးမနဲ့ ယောက္ခမဆိုတာ ကမ္ဘာ့ရန်ဆိုတော့ ချွေးမဖြစ်သူ အမျိုးသမီးလေးက ဘယ်လောက်ကောင်းအောင် နေပြနေပြ၊ ယောက္ခမလုပ်သူက လုံးဝမကြည် ဖြူပါဘူး၊ အကောင်းလည်း မမြင်ပါဘူး ။ဘာလုပ်လုပ် အပြစ်ပဲ မြင်မြင်နေလေ့ရှိပါတယ်။ ဒါကို သိထားတဲ့အတွက် ချွေမးမဖြစ်သူ အမျိုးသမီးငယ်လေးက ယောက္ခမလုပ်သူကို လိုအပ်တာ ထက် ပိုဂရုစိုက်ပေးပါတယ်။

ဒီလိုနဲပဲ တစ်နေ့မှာတော့ အိမ်ရှေ့ကို အရှင်မဟာမောဂ္ဂလာန်က ဆွမ်းခံလာရပ်ပါတယ်၊ အမျိုးသမီးငယ်ကလေးကလည်း အပျိုစင်ဘ၀ကတည်းက အရှင်မဟာမောဂ္ဂလာန်နဲ့ သိနေ တာဆိုတော့ ချက်ချင်းပဲ “အိမ်ထဲကို ၀င်တော်မူပါဘုရား”လို့ လျှောက်ထားလိုက်ပါတယ်။

ဒါပေမယ့် အလွယ်တကူ လောင်းစရာမရှိပါဘူး၊ ရှာကြည့်လိုက်တော့ ယောက္ခမရဲ့ အိုးကင်း ကြော်မုန့်ကိုပဲ တွေ့ပါတယ်။ ယောက္ခမ လုပ်သူကို ရှာကြည့်တော့လည်း မတွေ့ပြန်ပါဘူး၊ ဒါကြောင့် “နောက်မှပဲ ပြောပြပြီး ၀မ်းမြောက်စေတော့မယ်”ဆိုပြီး ယောက္ခမရဲ့ မုန့်ကို အရှင် မဟာမောဂ္ဂလာန် ကို လောင်းလှူလိုက်ပါတယ်။

အရှင်မဟာမောဂ္ဂလာန်လည်း အနုမောဒဒနာတရားဟောပြီး ပြန်ကြွသွားပါတယ်၊ အရှင် မဟာမောဂ္ဂလာန် ပြန်ကြွပြီ မကြာခင်မှာဘဲ ယောက္ခမလုပ်သူက ပြန်ရောက်လာပါတယ်၊ ဒီတော့ ချွေးမဖြစ်သူ အမျိုးသမီးလေးက ၀မ်းသာအားရနဲ့ “အမေရေ အမေ့ဖို့ထားတဲ့မုန့်ကို အရှင်မဟာမောဂ္ဂလာန်ကို လောင်းလှူလိုက်ပါတယ်၊ အမေ ၀မ်းမြောက်စွာ သာဓုခေါ်ပါ”လို့  ပြောလိုက်ပါတယ်။

ဒီတော့ ယောက္ခမလုပ်သူက “ဘာ…ဘာ… ဘာပြောလိုက်တယ်၊ ငါ့မုန့်ကို ငါ့ကို ခွင့်မတောင်းဘဲ ရဟန်းကို ပေးပစ်တယ်.. ဟုတ်လား”လို့ ဒေါသထွက်ပြီး အနားမှာရှိတဲ့ ကျည်ပွေ့နဲ့ ချွေမးလုပ်သူလေးရဲ့ ပုခုံးစွန်းကို ရိုက်ချလိုက်ပါတယ်၊ ချွေးမလုပ်သူကလည်း ထင်မှတ်မထားဘဲ ရုတ်တရက် ရိုက်ချလိုက်တာဆိုတော့ ရှောင်ချိန်လည်း မရလိုက်ပါဘူး၊ ရိုက်ချက်က တကယ့်ချက်ကောင်းကို ထသွားပါတယ်။

နှစ်ရက်သုံးရက်အတွင်းမှာ ချွေးမလုပ်သူလေးဟာ ဝေဒနာကို ပြင်းထန်စွာ ခံစားနေ ရပါတယ်၊ ဒါပေမယ့် အံ့သြဖို့ ကောင်းတာက ယောက္ခမလုပ်   သူရဲ့ လုပ်ရပ်ဆိုးကို လုံးဝ စိတ်ညွတ် မထားဘဲ အရှင်မဟာမောဂ္ဂလာန်ကို မုန့်လှူလိုက်ရတာလေးကိုပဲ စိတ်ညွတ်ထားခဲ့ ပါတယ်။

သုံးရက် မြောက်တဲ့နေ့မှာတော့ ယောက္ခမလုပ်သူရဲ့ ရိုက်ချက်ဒဏ်ရာကြောင့်ပဲ ကွယ်လွန် သွားပါတယ်။ ကွယ်လွန်တဲ့ အခါမှာလည်း အရှင်မဟာမောဂ္ဂလာန်ကို မုန့်လှူလိုက်တဲ့ အတွက် ၀မ်းမြောက်တဲ့ ကုသိုလ်စိတ်ကလေးကိုပဲ အာရုံပြုပြီးတော့ ကွယ်လွန်သွားပါတယ်။

ကွယ်လွန်တော့ တာဝတိံသာနတ်ပြည်မှာ ဥဠာရာလို့ အမည်ရတဲ့ အလွန်လှတဲ့ နတ်သမီး လေး သွားဖြစ်ပါတယ်။

တစ်နေ့မှာတော့ အရှင်မဟာမောဂ္ဂလာန်က တာဝတိံသာနတ်ပြည်ကို ကြွလာပါတယ်၊ ရဠာရာ နတ်သမီးလေးကို တွေ့လိုက်ရတော့ “ဘယ်လို ကုသိုလ်ကံကြောင့် နတ်သမီး လာဖြစ်ရ တာလဲ”လို့ မေးပါတယ်။ ဥဠာရာ နတ်သမီးလေးကလည်း သူနဲ့ သူ့ယောက္ခမရဲ့ ဖြစ်စဉ်တွေကို ပြန်ပြောပြပြီး “အရှင်မြတ်ကို လှူဒါန်းခဲ့တဲ့ ကုသိုလ်ဒါနကို အာရုံညွတ်ပြီး သေလွန် ရတဲ့အတွက် နတ်သမီးဖြစ်ရတာပါဘုရား”လို့ ပြန်လျှောက်လိုက်ပါတယ်။

ဒီဝတ္ထုလေး ထုတ်ပြလိုက်ရတာကတော့ အမျိုးသမီးငယ်လေးရဲ့ သေခါနီး သုံးရက်အလို လောက်မှာထားရှိတဲ့ စိတ်ထားလေးကို ကြိုက်လို့ပါ။

အမျိုးသမီးလေးအနေနဲ့ သေခါနီး သုံးရက်လောက်အလိုမှာ ထင်ရှားတဲ့အာရုံကြီးနှစ်ခုနဲ့ ကြုံနေရပါတယ်။ တစ်ဖက်က ယောက္ခမက ကျည်ပွေ့နဲ့ ထုထည့်လိုက်တဲ့အာရုံ၊ နောက်တစ်ဖက်က အရှင်မဟာမောဂ္ဂလာန်ကို လှူဒါန်းလိုက်တဲ့ အာရုံပါ။

အာရုံနှစ်ခု ထင်ရှားတဲ့အာရုံတွေပါ။ အာရုံတွေက ထင်ရှားတော့ စိတ်ညွတ်ရတာလည်း သိပ် လွယ်ကူပါတယ်။

အမျိုးသမီးငယ်လေးက ထင်ရှားတဲ့ အာရုံကြီးနှစ်ခုနဲ့ ကြုံနေရပေမယ့် သူ့စိတ်ကို ဘယ်ကိုပို့ထား ရမယ်ဆိုတာ သိပုံရပါတယ်။ ဒါကြောင့်  စိတ်ကို ယောက္ခမဆီကို လုံးဝ မညွတ်ဘဲ အရှင်မဟာမောဂ္ဂလာန်ဆီကိုပဲ စိတ်ညွတ်ထားလိုက်ပါတယ်။

တကယ်ဆို အမျိုးသမီးငယ်လေးဟာ သာမန်ပုထုဇဉ်အဆင့်ပဲရှိပါသေးတယ်။ ပုထုဇဉ်ပီပီ ဒေါသထွက်မယ်ဆိုရင် ထွက်စရာပါ။ ဒေါသကို အခြေခံပြီး “နောက်ဘ၀ ဒီယောက္ခမကို နိုင်ရပါ လို၏”လို့ ဆုတောင်းပြီး သေမယ်ဆို သေသွားနိုင်စရာပါ။

အဲဒီလိုသာ စိတ်ကို ယောက္ခမဆီညွတ်ထားပြီး ဒေါသစိတ်ကို အာရုံပြုပြီး သေသွားရင် မကောင်းတဲ့ဂတိ တစ်ခုခုကို ရောက်သွားနိုင်ပါတယ်။

ဒါပေမယ့် အမျိုးသမီးငယ်လေးက ဆိုးကျိုးအားလုံးကို ကြိုတွက်မိပုံရပါတယ်။ ဒါကြောင့် ဘ၀အတွက် အရေးအကြီးဆုံး အချိန်မှာ စိတ်ကို ယောက္ခမဆီ မညွတ်တော့ဘဲ အရှင်မဟာ မောဂ္ဂလာန်ဆီကိုပဲ ညွတ်ထားလိုက်ပါတယ်။ ကလေးဘ၀မှာကတည်းက ကုသိုလ်ဘက်ကိုယိမ်း ပြီး ဆုံးဖြတ်တတ်တဲ့ အထုံအကျင့်လေးက သူ့သန္တာန်မှာ ကိန်းနေတာလည်း ပါမှာပါ။

ဘာဘဲပြောပြော  အမျိုးသမီးငယ်လေးရဲ့ ဆုံးဖြတ်ချက်ဟာ  မှန်ကန်တဲ့ ဆုံးဖြတ်ချက် ဖြစ်သွားတာတော့ အမှန်ပါပဲ။

ဘ၀မှာ ဆုံးဖြတ်ချက်မှန်ကန်ဖို့ သိပ်အရေးကြီးပါတယ်။ ဆုံးဖြတ်ချက် မှားယွင်းသွားရင် တချို့ဆုံးဖြတ်ချက်တွေကျတော့ သံသရာအထိ ပါသွားတတ်ပါတယ်။ဒါကလည်း အလေ့အထုံ နဲ့ ဆိုင်မယ်ထင်ပါတယ်။

ဘယ်အာရုံပဲကြုံကြုံ ကုသိုလ်ဘက်ကိုယိမ်းပြီး ဆုံးဖြတ်တတ်တဲ့ အထုံရှိတဲ့သူဟာ ကုသိုလ် ဘက်ကိုပဲယိမ်းပြီး ဆုံးဖြတ်တော့မှာပါ။ ဘယ်အာရုံကိုပဲကြုံကြုံ အကုသိုလ်ဘက်ကိုယိမ်းပြီး ဆုံးဖြတ်တတ်တဲ့သူဟာ အကုသိုလ်ဘက်ကိုပဲယိမ်းပြီး ဆုံးဖြတ်တော့မှာပါ။

ဒါကြောင့် ကိုယ်က အထုံဖြစ်အောင် ကျင့်စဉ်တစ်ခုလိုကို သဘောထားပြီး ကျင့်ယူရပါမယ်။ နေ့စဉ် အာရုံမျိုးစုံနဲ့ ကြုံနေရတာဆိုတော့ အာရုံတွေကို အခြေခံပြီး ဆုံးဖြတ်ချက်မျိုးစုံ ဆုံးဖြတ်နေရမှာပါ။ ကြုံလာတဲ့ အာရုံလေးတွေကို ကိုယ်က သတိကပ်ပြီး ဆုံးဖြတ်သွားရုံပါပဲ။

ဒီလိုအကျင့်လေးလုပ်သွားရင် ကြာရင် အထုံဖြစ်သွားမှာပါ။ တချိုံဆုံးဖြတ်ချက်တွေဟာ ဘ၀အတွက် အရေးမကြီးပေမယ့် တချို့ဆုံးဖြတ်ချက်တွေကျတော့ ဘ၀အတွက် တော်တော် လေး အရေးကြီးပါတယ်။ ဆုံးဖြတ်ချက် မှားသွားရင် သံသရာအထိ ပါသွားတတ်လို့ပါ။

ကိစ္စတစ်ခုကြုံလာရင် ထူပူနေတုန်းမှာ မဆုံးဖြတ်ဘဲ အချိန်ယူပြီးမှ ဆုံးဖြတ်တာကတော့ အကောင်းဆုံးပါပဲ။

အမျိုးသမီးငယ်လေးနဲ့ ယောက္ခမကြုံရတဲ့ကိစ္စမှာ တကယ့်အာရုံဆိုးကြီးတွေပါ။ အမျိုးသမီး ငယ်လေးအနေနဲ့ ဆုံးဖြတ်ချက် မှားမယ်ဆိုရင် မှားချင်စရာပါ။

ဒါပေမယ့် အမျိုးသမီးငယ်လေးက ကိုယ့်ရဲ့ ကိုယ် နှုတ် စိတ်ကို အထူးစောင့်စည်းပြီး မိမိ ကိုယ်ကိုပဲ အကောင်းဆုံးဆုံးဖြစ်အောင် တည်ဆောက်နေသူဆိုတော့ ကိုယ်ကိုယ်ကို အမှား မခံပါဘူး။

ကမ္ဘာပေါ်မှာ အိမ်ထောင်ပြုခြင်းဆိုတဲ့ အလေ့အထ ရှိနေသရွေ့ ယောက္ခမနဲ့ ချွေးမ၊ ချွေမနဲ့ ယောက္ခဆိုတဲ့ အခေါ်အဝေါ် ဝေါဟာရတစ်ခုကတော့ အစဉ်သဖြင့် ရှိနေဦးမှာပါ။

ယောက္ခမ လုပ်သူကလည်း “ငါကအကြီး၊ ငါက ယောက္ခမ”ဆိုတဲ့ မာန်လေးတွေရှိသလို ချွေးမလုပ်သူကလည်း “ငါကအငယ်၊ ငါကချွေးမ”ဆိုတဲ့ မာန်လေးတွေ ကိုယ်စီရှိကြပါတယ်။

ပြဿနာဆိုတာလည်း မာန်ရှိသူချင်းမှသာ ဖြစ်တာပါ။ တစ်ဖက်က မာန်တွေ ဘယ်လောက် ပဲ ရှိရှိ၊ တစ်ဖက်က မာန်မရှိဘူးဆိုရင် မရှိအောင်နေတယ်ဆိုရင် ပြဿနာ မဖြစ်ပါဘူး။

ပြဿနာတစ်ခုဖြစ်လာပြီဆိုရင် ကိုယ့်ဘက်က ဓမ္မနဲ့အညီ နေနိုင်သမျှနေဖြစ်အောင် ကြိုးစား ရပါတယ်။ “ဓမ္မော ၀ဝေ ရက္ခတိ ဓမ္မစာရီ= တရားကို စောင့်တဲ့သူကို တရားက ပြန်စောင့် ရှောက်သွားမှာပဲ”လို့ နှလုံးသွင်းပြီး ဓမ္မနဲ့ ညီနိုင်သမျှ ညီအောင်နေရပါမယ်။ ပြီးတော့ သီလကို လည်း တိုးတိုးပြီး စောင့်ထိန်းသင့်ပါတယ်။

ဘယ်လိုပြဿနာမျိုးပဲဖြစ်ဖြစ် ဒီနည်းကတော့ အကောင်းဆုံးပါပဲ၊ ကိုယ့်ဘက်က တာလုံ အောင် နေလိုက်တဲ့သဘောပါ။ အဆင်ပြေတာ မပြေတာက ဒုတိယကိစ္စပါ။

စာဖတ်သူတွေ သတိမထားမိမှာစိုးလို့ ထပ်ပြောပါရစေ။ ဘယ်လို ပြဿနာမျိုးပဲဖြစ်ဖြစ် ပြဿနာတစ်ခုခု ဖြစ်လာပြီဆိုရင် ကိုယ့်ဘက်က ဓမ္မနဲ့အညီ နေနိုင်သမျှနေပါ။ သီလကို တိုးတိုးပြီးစောင့်ထိန်းပါ။ ဒီနှစ်ချက်ကိုတော့ ချစ်တဲ့စာဖတ်သူတွေ အထူးပဲ အာရုံပြုထား စေချင်ပါတယ်။

စာရေးသူကတော့ ကိုယ့်မှာ စိတ်အနှောင့်အယှက်ဖြစ်စရာ တစ်ခုခုနဲ့ ကြုံလာရင် အထက် ကအတိုင်း ကျင့်သုံးလေ့ရှိပါတယ်။ ကိုယ့်မှာ တကယ် အားကိုးစရာက ဓမ္မနဲ့ သီလပါ။

တကယ်တော့ ဒါတွေအားလုံးဟာ စိတ်ပါပဲ။ စိတ်ကနေ “ဒီယောက္ခမကြီးက မုန်းစရာကြီး လို့” လျှောက်သတ်မှတ်ထားလို့ပါ။ အမှန်ကတော့ ကိုယ့်စိတ်ကလေးကို ပြန်ပြင်လိုက်ရုံပါပဲ။ စိတ်ကလေးကို ပြောင်းယူလိုက်ရုံပါပဲ။

ကိုယ့်ကိုယ်ကိုယ် ပြန်အာရုံပြုကြည့်ပေါ့။ ငါဒီလို စိတ်တွေ ဖြစ်နေတဲ့အတွက် စိတ်ချမ်းသာ သလားဆိုတာ။ စိတ်မချမ်းသာတဲ့အလုပ်ကြီးကို ဘာလို့ဆက်လုပ်နေမှာလဲ။ စိတ်ချမ်းသာ အောင်ပဲနေမှာပေါ့၊ စိတ်ချမ်းသာအောင် နေထိုင်နည်းတွေကလည်း အများကြီးရှိနေတဲ့ဥစ္စာ။ လူတစ်ယောက်ရဲ့ ဘ၀မှာ စိတ်ချမ်းသာမှုက သိပ်ပြီးအရေးကြီးပါတယ်။

စိတ်ချမ်းသာတယ် စိတ်ဆင်းရဲတယ်ဆိုတာ အဓိက ကိုယ့်စိတ်ကပဲ လိုက်ဖန်တီးနေတာပါ။ ဘယ်လောက်ပဲ ရာထူးဌာနန္တရတွေရှိရှိ၊ ဘယ်လောက်ပဲ ချမ်းသာချမ်းသာ စိတ်မချမ်းသာဘူး ဆိုရင် နေရထိုင်ရတာ မပျှော်ပါဘူး။ ဒါမျိုးတွေက ကိုယ်တွေ့လေးတွေ ကိုယ်စီရှိနေကြတာဆို တော့ အထူးပြောဖို့ မလိုတော့ပါဘူး။

ဒီသက်သေလေးတွေကို အသေအချာအာရုံပြုပြီး ကိုယ့်စိတ်ကလေးကို ပြုပြင်လိုက်ရုံပါပဲ။

နှစ်ဦးနှစ်ဖက် အဆင်မပြေကြဘူးဆိုတာ မေတ္တာမရှိကြလို့ပါ။ မေတ္တာထားနိုင်လိုက်ရင် အဆင်ပြေသွားကြတာပါပဲ။

ဥပမာပဲ ထားပါတော့၊ ယောက္ခမနဲ့ချွေးမ အဆင်မပြေဘူးဘဲထားပါတော့။ ယောက္ခမက ကိုယ့်ကို အသေအလဲ မုန်းနေတယ်ပဲထားပါတော့။ ဒါဆို ရေမေတ္တာသာ နာနာပို့ပစ်လိုက်စမ်းပါ။

မြတ်စွာဘုရားကို ရေကပ်၊ ရေကပ်ပြီးတဲ့အခါ”ဤရေအေးမြသလို ငါရဲ့ ယောက္ခမဖြစ်သူ ဒေါ် ဘယ်သူလည်း စိတ်ကော ရုပ်ကောအေးမြပါစေ၊ အစစအရာရာ အဆင်ပြေပါစေ”လို့ ယောက္ခမ ကို မျက်လုံးထဲမှာ မြင်အောင်ထားပြီး ပြုံးလာတဲအဆင့်ထိ မေတ္တာပို့ပါ။

ကိုယ့်ရဲ့ မေတ္တာသမာဓိအား ကြီးတယ်ဆိုရင် လေးငါးခြောက်ရက်နဲ့တင် ထူးခြားလာပါ လိမ့်မယ်။ ကိုယ့်ရဲ့ မေတ္တာ သမာဓိအား နည်းနေသေးတယ်ဆိုရင်တော့ တစ်လ နှစ်လလောက် တော့ ကြာချင်ကြာပါလိမ့်မယ်။

ယောက္ခမလုပ်သူကလည်း အထက်ကအတိုင်း ချွေးမလုပ်သူကို ရေမေတ္တာပို့ကြည့်ပါ။

တစ်ခုတော့ရှိပါတယ်။ မေတ္တာပို့သူ ကိုယ်တိုင်ကလည်း အဆင်ပြေချင်စိတ် ချစ်ချစ်ခင်ခင် နေလိုတဲ့စတ် ရှိနေရပါမယ်။ မေတ္တာတွေတော့ပို့နေပါရဲ့၊ အဲဒီလိုစိတ်မျိုး မရှိဘူးဆိုရင်တော့ မေတ္တာက ထိရောက်မှာ မဟုတ်ပါဘူး။

တချို့ဆို ယောက္ခမနဲ့ အဆင်မပြေလို့ ရသင့်ရထိုက်တဲ့ အမွေတွေ မရလိုက်တာတောင် ရှိပါတယ်။

ကဲ… စာဖတ်သူ။ ယောက္ခမနဲ့ချွေမ်း အဆင်မပြေဖြစ်နေခဲ့ရင် ရေမေတ္တာသာ ပို့ကြည့်လိုက် စမ်းပါ။ မကြာခင်အချိန်အတွင်းမှာ “အမေရဲ့ သမီးရဲ့၊ သမီးရဲ့ အမေရဲ့” ဆိုပြီး ဘေးကလူတွေ မနာလိုချင်လောက်အောင်ကို အဆင်ပြေသွားပါလိမ့်မယ်။ ပြီးတော့ အမွေတွေလည်း အများကြီးရလိုက်ပါလိမ့်မယ်။

ကျမ်းကိုး-

၁။ ၀ိမာန၀တ္ထုအဋ္ဌကထာ၊  ဥဠာရာဝိမာန ၀တ္ထု။

၂။ ၀ိမာန၀တ္ထုတော်ကြီး၊ မြို့မိဆရာတော်။

ရဝေနွယ်(အင်းမ)

ရုပ်ရှင်တေးကဗျာမဂ္ဂဇင်း၊ ဖေဖော်ဝါရီလ

ဆရာတော် အရှင်ရဝေနွယ် မြန်မာပြည် ပြန်ကြွခါနီ   ဟိုဟိုဒီဒီ စကားစပ်မိစပ်ရာ ပြောဖြစ်ပါတယ်။ ပြောဖြစ်တော့ မိမိကမေးလိုက်တယ် ဆရာတော် ရေးသားတဲ့အထဲမှာ ဘယ်ပို့စ်တွေ အနှစ်သက်ဆုံးလဲ လို့မေးတော့ ကိုယ်တိုင် မွေးထားတာ ဆိုတော့ အားလုံးကို နှစ်သစ် သဘောကျတာပါဘဲတဲ့ ဒါပေမယ့် ယောက္ခမ နဲ့ ချွေးမ ဆိုတဲ့ ပို့စ်လေး တင်ရင်တော့ ပိုကောင်းမယ် ထင်တယ်လို့  စာရေးသူကိုယ်တိုင် ပြောပါတယ်။ ဒါကြောင့်…