လောကရှိ သတ္တ၀ါတို့သည် ကောင်းမှု၊ မကောင်းမှုတို့ကို လုပ်ဆာင်ကြစဉ် စေ့ဆော် တိုက်တွန်းသည့် စေတနာများ ပါဝင်လျက်ရှိကြသည်။ စေတနာသည် နာမ်တရားတို့၏ သဘာဝအတိုင်း မျက်စိတစ်မှိတ် လျှပ်တပျက်အတွင်း ကုဋေတစ်သိန်းမက ချုပ်ပျောက်၍ သွားပေသည်။ ထိုသို့ ချုပ်ပျောက် သွားရာတွင် အမှတ်တမဲ့  ချုပ်ပျောက်သွားသည် မဟုတ်၊ ဖြစ်ပေါ်လာသည့် စေတနာတိုင်းမှာ အကျိုးတရားကို ပေးဆောင် နိုင်သည့် သတ္တိများ(ကမ္မသတ္တိများ) ပါရှိနေ၏။ မျိုးပေစ့များမှာ အပင်ပေါက်သည့် အစွမ်း သတ္တိ များပါရှိနေ သလိုပင်ဖြစ်သည်။  စေတနာတရား ချုပ်ပျောက် သွားသည့်အခါ အကျိုးကို ပေးဆောင်သည့် အစွမ်းသတ္တိကို ချန်ထားပြီးမှ ချုပ်ပျောက်သွားခြင်းဖြစ်ရာ ထို အစွမ်းသတ္တိသည် အကြောင်းညီညွတ်မှုနှင့် တွေ့ခဲ့သော် အကျိုး တရားကို ပေးဆောင်တော့သည်။

+လူ့နှလုံးသား၊ ဘုရားမတည်၊ စိတ်ရှုတ်ဖွယ်၊ တကယ်ပူလှ၏။

+ နှလုံးသားဝယ်၊ ဘုရားတည်ငြား၊  လူ့စွမ်းအား၊ ထူးခြားမြင့်တက်၏။

တစ်ခါတုံးက ရွာတစ်ရွာမှာ“ဖိုးထိန်”ဆိုတဲ့ လူတစ်ယောက်ရှိတယ်၊ “ဘုရားတည်ရန်” ဆိုတဲ့ အတိတ်နဲ့ ထီထိုးသတဲ့၊ ထီဖွင့်တော့ တစ်သိန်းဆု ပေါက်တယ်၊ သူ့ရည်ရွယ်ချက်ရှိတဲ့အတိုင်း ဘုရားတည်ဖို့ စီစဉ်တယ်။ မြေတစ်နေရာ ငါးသောင်း ပေးဝယ်လိုက်တယ်။ ကျန်ငါးသောင်းနဲ့ မတည်ပြီး ဘုရားတည်မယ်ပေါ့။