မိမိရဲ့ ကိုယ်, နှုတ်, စိတ်များကို ပညာမှန်ပြင်တွင်တင်ကာတင်ကာ ကောင်းမကောင်းကြည့်၍ မကောင်းလျှင် ကောင်းအောင်ပြင်ပေးရမည်(သပြေကန်ဆရာတော်)

   စွန့်ဝံ့သူတုို့ လမ်း  

(ဥာဏ်ဦးမောင်)

   ဆန်ဖရန်စစ္စကုိုမှာ နေထုိုင်ပြီး သံဃာတော်တွေနဲ့ သာသနာတော်အတွက် ကျေးဇူးများတဲ့ ဒကာမကြီး ဒေါ်တူးခေါ် ဒေါ်မြင့်မြင့်သိန်း က ကွယ်လွန်သူမိဘနှစ်ပါးကုိုရည်စူးပြီး အမှတ်တရစာအုပ်တစ်အုပ်ထုတ်ချင်ပါတယ်လုို့လျှောက်ထားပါတယ်။ဒေါ်တူးက သာသနာ့ဝေယျာဝစ္စ၊ သံဃာ့ဝေယျာဝစ္စနဲ့ ပတ်သက်ရင် သံဃာတော်တော်တွေက အားနာပြီး တားယူရတဲ့အထိကုို စေတနာကောင်း သူ။ ဝတ္တရားကျေပွန်သူဒကာမကြီး။

.

 

 

  တတ်နုိုင်ရင် အပ်ကုန်တွေအတွက်ရေးဖုို့လက်နှေးတတ်ပေမယ့် ဒေါ်တူးလျှောက်ထားတာကုို တော့ မငြင်းပယ်လုိုခဲ့ပါဘူး။ တိတိ ကျကျဆုိုရရင်ဖြင့် ရေးချင်မိပါတယ်။ ရေးချင်စိတ်ဖြစ်ရတဲ့ အကြောင်းများကလည်း တော်တော်လေးများတယ်လုို့ ပြောရမယ်။

 

   ဒေါ်တူးဆုိုတာ သာသနာအရေး၊ ရဟန်းတော်များအရေးနဲ့ ပတ်သက်လာရင် ကုိုယ်ရောစိတ်ပါ နှစ်ပြီး မညည်းမညူ ဆောင်ရွက်တတ် သူတစ်ဦးဖြစ်တယ်။ သူ့ရည်ရွယ်ချက်ကလည်း ကွယ်လွန်သူမိဘနှစ်ပါးကုိုရည်စူးပြီး အမှတ်တရထုတ်ဝေလှူဒါန်းလုိုတဲ့ဆန္ဒ။ နောက်ပြီး လည်း သူအမှတ်တရထုတ်ဝေမည့်စာရေးသူသုံးဦးကလည်း ဓမ္မဘေရီဆရာတော် အရှင်ဝီရိယ၊ အရှင်ဇာဂရ ဆုိုတဲ့ ဆရာကံထွန်းသစ်၊ နောက်ပြီး စာရေးသူအရှင်ဥာဏိက။

 

  အရှင်ဥာဏိကဆုိုတဲ့ကုိုယ်ကတော့ အရှင်ဥာဏိကာဘိဝံသ(ကာလီဖုိုးနီးယားတက္ကသုိုလ်၊ ဥာဏ်ဦးမောင်) ဆုိုတဲ့အမည်များနဲ့ အခါအားလျှော်စွာ စာရေးနေသူ။ ရင်းနှီးသူအချို့က ဆရာ ဥာဏ်ဆုိုပြီး နာမည်ကင်ပွန်းတပ်ခံရသူ။

 

     ကုိုယ့်စာနဲ့အတူထုတ်ဝေမည့်ဆရာတော်နှစ်ပါးကလည်း ကုိုယ်လေးစားခင်မင်ရတဲ့ ဆရာတော်များ။ နောက်ပြီးလည်း ကုိုယ်နဲ့အတွေးအခေါ်အယူအဆကလည်း နီးစပ်ကြသူတွေ။ အထူးသဖြင့်မိဘနှစ်ပါးအတွက် ရည်စူးထုတ်ဝေမည့် မှတ်မှတ်ရရ စာအုပ်မှာ ဆရာကံထွန်းရဲ့ ကံ၊ စာရေးသူရဲ့ ဥာဏ်ဦးမောင်က ဥာဏ်၊ ဓမ္မဘေရီဆရာတော် အရှင်ဝီရိယရဲ့ ဝီရိယကုို ယူပြီး (ကံ ဥာဏ် ဝီရိယ) စုပေါင်းထုတ်မယ်ဆုိုတာက တကယ့်ကုိုမှမှတ်မှတ်ရရဖြစ်စရာ။ ထုတ်မည့်သူ ဖတ်မည့်သူတွေအတွက်ပါမက ရေးမည့် သူတွေအတွက်ပါ အမှတ်ရစရာ။

 

ဒါကြောင့် သူလျှောက်ထားကတည်းကရေးမယ်လုို့ လွယ်လွယ်ကူကူ လုိုလုိုလားလား ကတိပေးထားခဲ့တာ။ အဲဒီမှာကုိုယ်က ဥာဏ်နဲ့ပတ်သက်ပြီး ရေးမယ်လုို့လည်း ပြောဖြစ်လုိုက်တယ်။ သူ့ကုိုပြောပြီး နိဒါန်းလေးတော့ စထားခဲ့ရဲ့။ ဒါပေမယ့် ဘာက ဘယ်လုို ဆက်ရမယ်ဆုိုတာ စဉ်းစားမရတာနဲ့ ဆက်မရေးဖြစ်ခဲ့ဘူး။ ကုိုယ်ကသာအေးအေးဆေးဆေးပေါ့ပေါ့ဆဆ။ ဘယ်အရာ မှာမဆုို ကြောင့်ကြောင့်ကြကြရှိလှတဲ့ ဒေါ်တူးကတော့ အေးအေးဆေးဆေး ပေါ့ပါ့ဆဆ ရှိဟန်မတူဘူး။

 

ဒီနေ့ပဲ ဒကာမကြီး ဒေါ်တူးက သူလျှောက်ထားတဲ့ဆောင်းပါးပြီးပြီလားဘုရားလုို့ လျှောက်ထား လာပါတယ်။ ဓမ္မဘေရီဆရာတော်ကြီးနဲ့ စကားပြောဖြစ်လုို့ ခုလုိုပဲလျှောက်ထားတော့ “ဟုို မောင် ရင်နှစ်ပါးသာ ပြောပါဗျာ။ သူတုို့ပြီးလုို့ လှန်းပုို့လုိုက်ရင် ဒီက ပြီးပြီးသားပါပဲ”လုို့ မိန့်ပါသတဲ့။ အင်းဆရာတော်က ကွန်ပြူတာမသုံးပဲလက်နဲ့ရေးတာမုို့သာ။ သူ့လက်က စက်နဲ့လှည့် ထုတ်သလား ထင်ရလောက်အောင် မြန်သူ။ (အင်း ပြောရရင် ဆရာတော်ရဲ့လက်က ဆရာ တော်ရဲ့စိတ်ကုို သိလုို့လည်း ဖြစ်မယ်ပေါ့လေ)။

 

    ဟုတ်တယ်လေ။ ဆရာတော်နဲ့ရင်းနှီးသူအားလုံးက ဆရာတော်ရဲ့ စိတ်မြန်ကုိုယ်မြန်ရှိတဲ့ အကြောင်းကုို အသိအမှတ်ပြုထားကြ ရတာကုိုး။

 

ရေးကြမည့်သုံးပါးထဲမှာ ဓမ္မဘေရီဆရာတော်က စိတ်မြန်ကုိုယ်မြန်။ ဆရာကံထွန်းသစ်က အေးအေးနှေးနှေး။ ဒါကြောင့် နှစ်ပါးလုံး နဲ့လည်းရင်းနှီး၊ နှစ်ပါးလုံးရဲ့ ဝေယျာဝစ္စတွေကုိုလည်း လုိုအပ်သမျှ ဆောင်ရွက်ပေးလေ့ရှိတဲ့ အယ်လ်အေက ဒကာလေး တစ်ဦးက ရယ်စရာအဖြစ် “သူ့မှာ အစွန်းနှစ်ဖက်ကြားမှာ နေနေရပါတယ်” လုို့ ပြောတာဖြစ်မယ်။

 

 

   ခုလည်း ပြောခဲ့သလုို စာရေးအလွန်မြန်တဲ့ ဓမ္မဘေရီဆရာတော်နဲ့ ကုိုယ့်ထက်ပုိုပြီး အေးဆေး နှေးလေမည့် ဆရာကံထွန်းသစ်နှစ် ပါးကြားမှာ။ ကံနဲ့ဝီရိယကြားမှာ။ အစွန်းနှစ်ဖက်ကြားက ငါကွပေါ့။ မဇ္ဈိမပဋိပဒါသမားပေါ့။ (ဒီလုိုပဲ ကြံဖန်ဂုဏ်ယူ ရတာပဲလေ)။

 

ကုိုယ်ကသာ ကုိုယ့်ဟာကုိုယ်ဆင်ခြေတွေပေးကာရေးစရာအကြောင်းမရှိလုို့ဆုိုပြီး မရေးဖြစ်နုိုင်သေးတာ။ ဓမ္မဘေရီဆရာတော်က “ဒီဖက်ကပြီးကြတာနဲ့ သူ့ဖက်က အဆင်သင့်ပဲ”တဲ့။

 

 

သူ့စကားတဆင့်ကြားရတော့ “လက်နက်ကိရိယာတန်ဆာပလာတွေ၊ အခြေခံအကြောင်း အထောက်အပံ့တွေက သိပ်ပြီး အဓိက မကျပါဘူး။ အဲဒီအရာတွေ သင့်မှာ ပုိုင်ဆုိုင်ထားပေ မယ့် အဲဒါတွေကုို ဘယ်လုိုအသုံးချရမယ်ဆုိုတဲ့ နည်းလမ်းကုို သင်မသိဘူးဆုိုရင် အဲဒီအရာ တွေဟာ သင့်အတွက် ဘာမှ အသုံးကျမယ် မဟုတ်ပါဘူး။ သင့်အတွက် ဘယ်တော့မှလည်း လုံလောက်ပြည့်စုံလိမ့်မယ် မဟုတ်ပေဘူး” ဆုိုတဲ့ ဖတ်ဖူးတဲ့စကားကုို ပြန်လည်သတိရမိတယ်။

 

 

   နောက်ပြီး မြေအောက်မြေအောက် သယံဇာတတွေ ဘယ်လောက်ပေါကြွယ်ပေမယ့် ဒီအရာ တွေကုို စနစ်တကျထုတ်ယူသုံးစွဲ တတ်တဲ့ဥာဏ်မရှိရင်ဖြင့် မွဲမြဲမွဲလျက်သာရယ်လုို့လည်း ဆုိုင်သလား မဆုိုင်သလားမသိ၊ အတွေးက ဝင်လုိုက်မိသေးတယ်။ ကဲ ထားတော့။

 

ဝီရိယဆုိုတဲ့ဘွဲ့နဲ့အညီ မနားတမ်းသွား၊ မနားတမ်းဟောပြောနေတဲ့ ဓမ္မဘေရီဆရာတော်နဲ့စာ ရင် ကုိုယ်က အချိန်ပုိုရသူ။ နောက်ပြီး စာကုိုလည်းကွန်ပြူတာနဲ့ကုိုယ်တုိုင်ရုိုက်သူဆုိုတော့ လက်နဲ့ရေးရတဲ့ ဆရာတော်နဲ့စာရင် ကုိုယ်က မြန်မြန်ဆန်ဆန်စာကုို ရေးလုို့ရနုိုင်သူ။ ဒါပေမယ့် ပြောခဲ့သလုို ကုိုယ့်ဆင်ခြေများကြားမှာ ကြားညပ်ရင်း ကုိုယ့်ဆင်ခြေနဲ့ကုိုယ် ကြေနပ်အားရနေ တဲ့ သူမျိုးမုို့ လက်နက်ကိရိယာတွေအပြည့်အစုံရှိပါလျက် လက်တွေ့အသုံးမချတဲ့သူပေါ့။ ဘယ်အရာကုို ဘယ်နေရာမှာ ဘယ်လုိုအသုံးချရမယ် ဆုိုတာ မသိတဲ့သူမျိုးပေါ့။

 

   ဘယ်အရာကုို ဘယ်နေရာမှာ ဘယ်လုိုအသုံးချရမယ်။ သူ့နေရာနဲ့သူကုိုက်ညီအောင် ဘယ်လုိုအသုံးချတတ်ရမယ်။ ဒါဟာ သိပ်အရေးကြီးတဲ့အချက်။ အဲ ဟုတ်ပြီ။ အဲဒါ ပညာပဲပေါ့။ ဒါဟာ ဥာဏ်ပဲပေါ့။ ဒါကုိုမေ့နေလုိုက်တာ။

 

 

ဘာလုပ်ငန်းမှာမဆုို အသိဥာဏ်ဆုိုတာက မပါမဖြစ်တဲ့အရာ။ ဥာဏ်မပါပဲ လုပ်တဲ့အလုပ်က ဓားတုံးတုံးနဲ့ ခုတ်ရတဲ့အရာလုို ခရီးက သိပ်မရောက်။

    ဥာဏ်ဆုိုတော့ မြတ်ဗုဒ္ဓရဲ့ အထင်ကရ ဥာဏ်တော်သုံးပါးကုို သတိရမိတယ်။ အတုိုအားဖြင့် တော့ ဒီဥာဏ်တော်သုံးပါးကုို (ပု ဒိ အာ) ရယ်လုို့ ပြောတတ်ကြတယ်။ မြတ်ဗုဒ္ဓမှာက အများနဲ့ မတူ ထူးခြားတဲ့ဥာဏ်တော်ပေါင်းက မြောက်များစွာပါ။ အဲဒီအထဲမှာမှ မြတ်ဗုဒ္ဓဘုရားဖြစ်ချိန်နဲ့ စပ်လုို့ မှတ်မှတ်သားသားပြောတတ်ကြတာက ဥာဏ်သုံးပါး။

 

   အဲဒီဥာဏ်တွေက အစဉ်အတုိုင်းပြောရရင် နံပါတ်(၁)က ပုဗ္ဗေနိဝါသာနုဿတိဥာဏ်။ ဥာဥ့်ဦးယံအချိန်မှာ ရတော်မူခဲ့တဲ့ဥာဏ်။ ဒီဥာဏ်တော်က သတ္တဝါအားလုံးရဲ့ ရှေးဘဝ၊ရှေးခန္ဓာများကို မြင်နိုင်တဲ့အစွမ်းရှိတယ်။

 

မဇ္ဈိမယံဆုိုတဲ့ သန်းခေါင်အချိန်မှာတော့ နံပါတ်(၂)ဖြစ်တဲ့ ဒိဗ္ဗစက္ခုဥာဏ်တော်ကုို ရတော်မူခဲ့ တယ်။ ဒိဗ္ဗစက္ခုဉာဏ်တော်ကတော့ သတ္တဝါများရဲ့လက်ရှိဘဝ ၊ လက်ရှိခန္ဓာများကို နတ်မျက် စိပမာ မြင်တော်မှုနိုင်စွမ်းရှိတဲ့ဥာဏ်တော်။

 

   မုိုးသောက်ယံခေါ်တဲ့ နံနက်ပုိုင်းမှာတော့ နံပါတ်(၃) ဖြစ်တဲ့ အာသဝက္ခယဉာဏ်တော်ကုို ရတော်မူခဲ့တယ်။ ဒီအချိန်မှာမှပဲ ဘုရား အဖြစ်သုို့ ရောက်တော်မူခဲ့တယ်။ သစ္စာလေးပါးကို အကြွင်းမရှိ သိမြင်တော်မှုကာ ကိလေသာအာသဝေါတရား အလုံးစုံကုို ပါယ်စွန့်ကာ အလုံးစုံကို အကြွင်းမရှိ အကုန်သိမြင်သော သဗ္ဗညုတဉာဏ်တော်ကို ရတော်မူခဲ့တယ်။ ဒီအချိန်မှာပဲ ဘုရားအဖြစ်သို့ လည်း ရောက်တော်မူခဲ့တယ်။

 

စဉ်းစားကြည့်တော့ ဒီဥာဏ်တော်သုံးပါးထဲမှာ ရှေ့ဥာဏ်တော်နှစ်ပါးက အစွမ်းဥာဏ်တွေ။ နောက်ဆုံး အာသဝက္ခယဥာဏ်တော်က အစွန့်ဥာဏ်။ အစွမ်းဥာဏ်တွေရရှိချိန်က ဘုရားအဖြစ်သုို့မရောက်သေးပဲ အစွန့်ဥာဏ်ကုိုရရှိကာမှဘုရားအဖြစ်သုို့ ရောက်တော်မူခဲ့ တယ်။ စွမ်းရုံသာစွမ်းပြီး မစွန့်နုိုင်လျင်ဖြင့် မြတ်ဗုဒ္ဓသည်ပင်လျင် ဗုဒ္ဓအဖြစ်သုို့ ရောက်နုိုင်ခဲ့လေမည်မဟုတ်။

 

မြတ်ဗုဒ္ဓရဲ့ အလောင်းတော်များဘဝ ဖြစ်တော်စဉ်သံသရာခရီးတစ်လျှောက်လုံးမှာလည်း အစွမ်းထက် အစွန့်ပုံရိပ်များကုို ပုိုမုိုပေါ်လွင် ထင်ရှားခဲ့တယ်။ ဒါက စွမ်းနုိုင်ခြင်းထက် စွန့်နုိုင် ခြင်းကုို အားလုံးက ပုိုမုိုအလေးထားတဲ့သဘော။ တကယ်တော့လည်း စွန့်ဝံ့သူတွေ သည်သာ တကယ်စွမ်းသူတွေဖြစ်လာကြတာပါ။

ဥာဏ်အကြောင်းရေးရင်း ဖတ်ခဲ့ဖူးတဲ့ပုံပြင်လေးကုို အမှတ်ရမိပါသေးတယ်။

 

တစ်ခါက ချမ်းသာကြွယ်ဝတဲ့လူငယ်တစ်ယောက် ပညာရှိသုခမိန်အထံကုို အကြံဥာဏ်တောင်း ခံဖုို့ ရောက်လာပါတယ်။ သူ့မှာပုိုင်ဆုိုင်တဲ့ပစ္စည်းတွေနဲ့ သူ့ဘဝကုိုဘယ်လုိုတည်ဆောက် နေ ထုိုင်သွားရင်ကောင်းမလဲလုို့ လူငယ်က သုခမိန်ကုိုမေးပါတယ်တဲ့။

 

ဒီတော့ သုခမိန်က လူငယ်ကုို မှန်ပြတင်းတံခါးပေါက်ရှိရာကုို ခေါ်သွားပြီး တံခါးပေါက်ကနေ ဘာကုိုမြင်ရသလဲရယ်လုို့ မေးပါတယ်။ လူငယ်ကသူမြင်ရတဲ့ သစ်ပင်သစ်တောတွေ၊ ကောင်း ကင်ကြီးနဲ့ တောင်ပြာတန်းကြီးတွေ၊ လမ်းပေါ်မှာ ဖြတ်သန်းသွားလာနေကြ တဲ့သူ တွေနဲ့ လမ်း ဘေးမှာ တောင်းရမ်းနေတဲ့ မျက်မမြင်အဖုိုးအုိုတုို့ကုိုမြင်ရကြောင်းပြောပါတယ်။

 

နောက်ပြီးသုခမိန်က လူငယ်ကုို အခန်းထဲမှာရှိတဲ့ မှန်ကြီးတစ်ချပ်ဆီကုိုခေါ်သွားပြီးပြပါတယ်။ မှန်ထဲမှာ ဘာကုိုမြင်ရသလဲလုို့လဲ မေးပါတယ်။ ဒီတော့ လူငယ်က မှန်ထဲမှာ သူ့ပုံကုိုသာသူပြန် မြင်ရကြောင်းပြောပါတယ်။

 

ဒီတော့မှ သုခမိန်က ပြတင်းပေါက်မှာရှိတဲ့ မှန်နဲ့ ကြည့်မှန်မှာရှိတဲ့မှန်ဟာပြုလုပ်ထားတဲ့ အခြေ ခံပစ္စည်းခြင်းက အတူတူပါပဲ။ ဒါပေမယ့် ပြတင်းပေါက်ကမှန်မှာက ဘာအကာအကွယ်မှမပါဘူး။ ကြည့်မှန်ကမှန်မှာတော့ အလွန်ကောင်းတဲ့ ငွေရောင်ပြဒါးတစ်လွှာကုို သုတ်လိမ်းထား တယ်။ အဲဒီငွေရောင်အလွှာအကာက သင့်ကုိုယ်ကုိုယ်တော့ ပြန်မြင်ရတယ်။ ဒါပေမယ့် ပြင်ပ လောကရဲ့ အလှ တရားတွေနဲ့ ကုိုယ်လုိုဘဝတူ လူသားတွေရဲ့ လုိုလားချက်ကုိုတော့ သင်မတွေ့ မြင်နုိုင်တော့ဘူး။

 

 

သင့်ကုိုယ်သင်လည်း အဲဒီမှန်နှစ်ချပ်နဲ့ နှိုင်းယှဉ်ကြည့်ပေါ့။ တကယ်လုို့ ပြင်ပကမ္ဘာရဲ့အလှ တရားနဲ့ ဘဝတူလူသားတွေရဲ့ အခြေမှန်ကုို သင်တကယ် စာနာနားလည်လုိုတယ်ဆုိုရင်ဖြင့် ပြဒါးနဲ့တူတဲ့ သင့်ရဲ့ဂုဏ်အလွှာကုို ခွါချဖုို့လုိုပေလိမ့်မယ်လုို့ ပြောခဲ့ပါတယ်။

 

ဟုတ်တယ် တကယ်အမှန်တရားကုိုတွေ့မြင်ချင်တယ်ဆုိုရင် ဥာဏ်ပေါ်မှာ ဖုံးကွယ်ထားတဲ့ အကွယ်အကာတွေကုို ခွါချဖုို့လုိုပေ လိမ့်မယ်။ အကာအလွှာတွေကုို စွန့်ုဖုို့လုိုပေလိမ့်မယ်။

 

 ဒေါ်တူးဆုိုတာလည်း အစွမ်းအစတစ်ခုခု ရှိဖုို့ထက် အစွန့်အလွှတ်တစ်ခုခုရှိဖုို့ကုို အားသန်တဲ့သူတစ်ဦးပါ။ ကူရ ပေးရ လှူရ စွန့်ရခြင်း မှာ ဝါသနာထုံသူမုို့ သူ့ကုိုမေးမယ်ဆုိုရင်လည်း စွမ်းနုိုင်ခြင်းထက် စွန့်နုိုင်ခြင်းကုို ပုိုမုိုမြတ်နုိုးမယ်လုို့ပဲ ဖြေမယ်ထင်ပါတယ်။ ဒါကြောင့် အစွမ်းထက် အစွန့်ကုိုပဲမြတ်နုိုးလေမည့် ဒကာမကြီးဒေါ်တူး အရာအားလုံးကုို လွတ်လွတ်စွန့်လွှတ် နုိုင်စွမ်းတဲ့ဥာဏ်ကုို ရရှိလုို့ အစွဲများ၊ အစွန်းများ၊ အစေးများကနေ အမြန်ကင်းလွတ်ပါစေ ကြောင်း ဆုတောင်းပေးလုိုက်ပါတယ်။ ။

 

 

2013 - Ashin Sirinda
Hosting Donated By Daw Myint Myint Thein (San Francisco)
Design By Thant Zin@MIET