မိမိရဲ့ ကိုယ်, နှုတ်, စိတ်များကို ပညာမှန်ပြင်တွင်တင်ကာတင်ကာ ကောင်းမကောင်းကြည့်၍ မကောင်းလျှင် ကောင်းအောင်ပြင်ပေးရမည်(သပြေကန်ဆရာတော်)

မျောက်သစ်ကိုင်းလွတ်

ဓမ္မဘေရီအရှင်ဝီရိယ(တောင်စွန်း)


    သိမ်တောင်ဂိုဏ်းရဲ့အကြီးအမှုးအဓိပတိ၊ မိတ္ထီလာမြို့၊ " တောမဓမ္မာရုံ"ဆရာတော်ဘုရားကြီး(ဘဒ္ဒန္တပဏ္ဍဝ) တောင်ကြီးမြို့၊ သိမ်တောင်ကျောင်း တိုက်ကို နွေလာခိုစဉ်ကပါ...။
    ညစဉ်ဝတ်ပြုရင်း ရှေးဟောင်းနှောင်းဖြစ်များနဲ့ဆရာတော်အတွေ့အကြုံများကို မှတ်သားနာယူကြပါတယ်။


 တစ်ညမှာတော့ မြန်မာ့ဆိုရိုးစကားတွေအကြောင်း စပ်မိရာကမိမိက "မပြေးသော်ကန်ရာရှိ"ဆိုတဲ့စကားကို သိပ်သဘော မပေါက်ကြောင်း လျှောက်လိုက်တော့ "ပြေးတယ်ဆိုတာ ခြေကနောက်ကိုကန်ပြီး မြန်မြန်ကျဲကျဲ လှမ်းတာပဲမဟုတ်လား၊ မြေထန့်ထန့် သဲပြင်ထန့်ထန့်မှာ ပြေးကြည့်ပါလား၊ ဖနောင့်ရာမထင်ဘဲ ရှေ့ခြေဖျားကနောက်ကို ကန်ထားတဲ့အရာထင်နေမှာပေါ့။ အဲဒီတော့ လူတစ်ယောက်က မပြေးပါဘူးလို့ပြောနေသော်လည်း သူ့ခြေရာကိုကြည့်လိုက်ရင် ကန်ရာကြီးရှိနေလို့ သူ့စကားကိုလက်မခံနိုင်ဘူးလို့ ဆိုလိုတာပေါ့"

.


+++++++++++++++++++++++


    အဲဒီလိုစပ်မိရင်းက ဆရာတော်ကြီးက.. "မျောက်သစ်ကိုင်းလွတ်"ဆိုတဲ့စကားလည်းကြားဖူးကြတယ်မဟုတ်လား၊ အဲဒီစကားကိုရော ဘာဝတ္ထ ဆိုက်အောင် အဓိပ္ပါယ်ကောက်တတ်ကြရဲ့လားလို့မေးပါတယ်။ ဒီနေရာမှာတော့ " မိမိကပဲ လူတတ်ကြီးလုပ်ပြီး မျောက်တွေ သစ်တစ်ပင်ကတစ်ပင်ကို ခုန်ကူးတဲ့အခါ သစ်ကိုင်းကိုလွတ်သွားရင် ဘာမှအားကိုး စရာမရှိဘဲ အောက်အထိကျပြီး သေကြေဒုက္ခရောက်မယ်၊


    အဲဒီလိုပဲ လူတွေမှာလည်းအနဲဆုံး "အသက်မွေးမှု၊ တစ်ခုပညာ၊ ကိုယ်စီပါ"ဆိုတဲ့သစ်ကိုင်းလောက်မှမဆွဲမိရင် အားကိုးရာမဲ့ပြီးသေကြေ ဒုက္ခရောက်ရမယ်လို့"ဆိုလိုတာထင်ပါတယ်ဘုရားလို့ ပြန်လျှောက်လိုက်တော့...


    "အဲဒီလိုယူရင် အဓိပ္ပါယ်တော့ရှိသလိုလိုပါပဲ။ ဒါပေမယ့် မှန်တော့မမှန်ဘူး။


     အမှန်က မျောက်ဆိုတာ သစ်တစ်ပင်နဲ့တစ်ပင် ၊ တစ်ကိုင်းနဲ့တစ်ကိုင်း ခုန်ကူးပြေးလွှားတာဟာ သူတို့ရဲ့ အသက်ရှင်သန်မှုလည်းဖြစ်တယ်၊ အမျိုးအနွယ် ဆိုင်ရာအတတ်ပညာဂုဏ်သိက္ခာလည်းဖြစ်တယ်။ ဒါကို အချိန်တန်ရင် သူ့အမေက မတတ်တတ်အောင်သင်ပေးရတာ၊


    အဲဒီတော့ အုပ်နဲ့သင်းနဲ့နေတဲ့ မျောက်အုပ်ထဲမှာ တစ်ကောင်ကောင်ဟာ သစ်တစ်ပင်နဲ့တစ်ပင်ခုန်ကူးလို့ ဟိုဘက်သစ်ကိုင်း လှမ်းမမီ ဘဲအောက်ကိုပြုတ်ကျပြီဆိုရင် အကျတော်လို့သူ့ဟာသူ အသက်မသေရင်လည်း တခြားမျောက်တွေကဝိုင်းကိုက်ပစ်တာ၊ ထပ်ပြီးတော့ရှင်သန်ခွင့် မပေးဘူး။ ဒါဟာ မျောက်လောကအတွက် အကြီးအကျယ်သိက္ခာကျစေ, ဂုဏ်ပျက်စေတဲ့သဘောလို့ ဒီလိုယူဆသလားတော့မသိဘူး၊ အုပ်ထဲသင်းထဲတော့ ထားကိုမထားတော့ဘူး၊ အဲဒါကိုပြောတာ" တဲ့။


+++++++++++++++++


    ပြီးတော့ဆက်ပြောတာက-- လောကမှာ မျောက်လည်းမျောက်အလျောက် ၊ လူလည်းလူ့အလျောက်၊ ရှင်ရဟန်းလည်းရှင် ရဟန်းအလျောက်၊ အသက်ရှည်သန်မှုအတွက်ရော၊ ဂုဏ်သိက္ခာအတွက်ရော၊ အမျိုးအနွယ်အတွက်ရော သတ်မှတ် လက်ခံထားကြတဲ့ဓလေ့ထုံးစံ၊ ယဉ်ကျေးမှု၊ အတတ်ပညာအသိပညာတွေဆိုတာ ကိုယ်မြဲ အောင်ကိုင် ထားရမယ့် သစ်ကိုင်းတွေဘဲမဟုတ်လား။


    ရှေးလူကြီးတွေဆုံးမတဲ့ "အသက်မွေးမှု၊ တစ်ခုပညာ၊ ကိုယ်စီပါ"ဆိုတာ ဒါမျိုးပေါ့။


    ဒါကလည်း လူတို့အတွက်သာတစ်ခုပညာလို့ဆိုတာ ရှင်ရဟန်းတို့ဆိုတာကျတော့လူတွေလို မိဘကမွေးပေးတဲ့ အသက်တစ်မျိုးသာမကဘူး၊ ဘုရားပေးထားတဲ့နောက်ထပ်အသက်တစ်မျိုးလည်းရှိသေးတယ်၊ သိတယ်မဟုတ် လား"တဲ့ ။ မှန်ပါ,.. "သီလသိက္ခာသက်ပါဘုရား"ဆိုတော့-  


    " အေး ဟုတ်တာပေါ့၊ ယာဝဇီဝံ= သိက္ခာပုဒ်သည် ကိုယ်မှာတည်လျှက်၊ အသက်ရှည်သမျှကာလပတ်လုံး" ဆိုတဲ့အတိုင်းပေါ့။


    ဒီနေရာမှာ ကိုယ်တော်လေးတို့ အလေးအနက်သတိပြုရမှာက "ဇာတိ အပုည" ဖြစ်တဲ့ မျောက်တွေကတောင် သူတို့ရဲ့ "ဂုဏ်မာန " ကိုအထိပါးမခံဘူး၊ ထိပါးဖေါက်ဖျက်ရင် ဝိုင်းပယ်ပစ်တယ်။ " သစ်ကိုင်းကို မြဲမြဲဆုပ်ကိုင်မိအောင် ခုန်နိုင်ခြင်းဟာ သူတို့ရဲ့ ဂုဏ်မာနပဲလေ၊ အဲဒါကိုဖေါက်ဖျက်လို့ကတော့ ဝိုင်းကိုက် ဝိုင်းရိုက် ဖယ်ပစ်ကျတာ။


       အဲဒီတော့--  "ဇာတိ ပုည " လို့ဆိုတဲ့ သုဂတိလူ့ဘုံသား၊ အထူးသဖြင့် ရှင်ရဟန်းတွေရော .... ကိုယ့်ဂုဏ်မာနကို အဲဒီလောက်မှ တန်ဘိုးထား ကြရဲ့လား။ ရဟန်းတို့ရဲ့ ဂုဏ်မာနဟာ သိက္ခာသုံးရပ်ဆိုတဲ့ ရဟန်းသက်ရှင်သန်ရေးအတွက် ပရိယတ်၊ ပဋိပတ်ဆိုတဲ့ဘုရားပေးတဲ့ တာဝန်သစ်ကိုင်းကို ပိုင်ပိုင်နိုင်နိုင်ဆုပ်ကိုင်ထားနိုင်ရေးဘဲမဟုတ်လား။ ဒီသစ်ကိုင်းနှစ်ခု လွတ်သွားပြီဆိုရင်တော့ သူ့ဟာသူဘယ်လို ကပ်ရပ်ပေါင်းသင်းပြီး အသက်ရှင်နေနေ ဇာတိပုညနဲ့တန်တဲ့ ဂုဏ်မာန ပျက်စီးနေသူတော့ဖြစ်သွားပြီ။


    ဒီလို ရှင်ရဟန်းမျိုးကို ဘုရားရှင်ကိုယ်တိုင်ကလည်း"ရဋ္ဌပိဏ္ဍံ မောဃံ ဘုဉ္ဇတိ= ပြည်သူ့ဆွမ်းကို အချီးနှီး ဖြုန်းတီး စားသုံးနေသူ"လို့ရှုတ်ချ တယ်မဟုတ်လား။


    အဲ.. မြန်မာစကားတွေအကြောင်းပြောနေတာဆိုတော့ အဲဒီ "အချီးနှီး"ဆိုတာကိုရော သဘောပေါက်ရဲ့လား။


 "အမိန့်ရှိပါဘုရား" ဆိုတော့.. " နှီးတယ်ဆိုတာ အဝတ်နဲ့လုံးထွေးပတ်စီးပေးတဲ့သဘောပဲ။ မွေးကင်းစ ကလေးတွေ ထွေးပတ်တဲ့ အဝတ်ကို အနှီးပိတ်လို့ခေါ်တယ်လေ။ ရှေးကတော့ "အဝတ်အနှီး"လို့တွဲသုံးကြတယ်။ အချီးနှီးဆိုတာ အဲလို"အဝတ်မပါ ၊ ဗလာကိုယ်တည်း" ဆိုတဲ့အဓိပ္ပါယ်ပဲ။


    ရှင်ရဟန်းတို့လုံးဝမချွတ်မလဲဘဲမြဲမြဲဝတ်ထားရမှာကသီလပဲ။ အဝတ်မပါရင်အရှက်ကင်းသလို သီလ ပျက်လည်းအရှက်ကင်းမဲ့တာပဲ၊ အဲဒါကြောင့် ဘုရားက"အချီးနှီး"လို့ရှုတ်ချလိုက်တာ။


    အဲဒီတော့ အရှင်ဘုရားလေးတို့လည်း ပရိယတ်၊ ပဋိပတ်ဆိုတဲ့သစ်ကိုင်းကို လက်မလွတ်စေကြနဲ့။ လွတ်လို့ ကတော့..သီလသက်လည်းမရှည်နိုင်ဘူး။ အများကလည်းဝိုင်းပယ်ခံရမယ်။ အများနဲ့ကပ်ရပ်ပေါင်းသင်းနေရင်လည်းပဲ ဘုရားရှင်ကိုယ်တော်တိုင်ကတော့ ..."မောဃပုရိသ=အချီးနှီး၊ အလကား၊ အရှက်မရှိသူ"ဆိုတဲ့စာရင်းထဲ တော့ အသွင်းခံရပြီ။ အဲဒါကို မပြုပြင်ရင်တော့...


    ဘုရားရှင်က "ရှုတ်ချ"ခံရသူတိုင်းကို အပါယ်လေးဘုံကတော့ "ဂုဏ်ပြုကြိုဆို"ဖို့အသင့်ရှိနေမှာမလွဲဘူးဆိုတဲ့ အကြောင်းမိန့်ကြားဆုံးမတော်မူပါတယ်။

 

အပ္ပမာဒေန သမ္ပာဒေထ
ဓမ္မဘေရီအရှင်ဝီရိယ(တောင်စွန်း)
ဇွန်လ(၃ဝ)ရက်၊ ၂၀၁၅ ၊ မေတ္တာနန္ဒကျောင်း၊ ဖရီးမောက်၊ ဆန်ဖရန်၊ U.S.A

2013 - Ashin Sirinda
Hosting Donated By Daw Myint Myint Thein (San Francisco)
Design By Thant Zin@MIET