မိမိရဲ့ ကိုယ်, နှုတ်, စိတ်များကို ပညာမှန်ပြင်တွင်တင်ကာတင်ကာ ကောင်းမကောင်းကြည့်၍ မကောင်းလျှင် ကောင်းအောင်ပြင်ပေးရမည်(သပြေကန်ဆရာတော်)

                                                                နောင်တ

(အရှင်ဥာဏိကာဘိဝံသ)ကာလီဖိုးနီးယားတက္ကသိုလ်

      ပြီးခဲ့တဲ့သီတင်းပတ်ထဲတုံးက ကျောင်းကုို အဖုိုးအုိုနှစ်ယောက်ရောက်လာကြတယ်။ ရှစ်ဆယ်နဲ့ကုိုးဆယ်ကျော်အရွယ် အဖုိုးတွေ။ သူတုို့သားသမီးများက ကျောင်းကုိုရောက်စေချင်တာကြောင့် တမင်တကူးတက လုိုက်ပုို့ကြတာ။

        သူတုို့ချည်းပဲဆုိုရင်တော့ ကျောင်းကုိုရောက်နုိုင်ကြတော့မယ် မဟုတ်။ ဟုိုနားဒီနားတောင် လျှောက်နုိုင်ဖုို့ခက်ခဲကြမည့် အနေအထား။ လမ်းသွားတာတောင်မှပဲ အတွဲအကူနဲ့လျှောက်ကြရရှာတာ။ ရုပ်ပုိုင်းဆုိုင်ရာ ခွန်အားတွေလည်း လျော့ပါးကြသလုို စိတ်ပုိုင်းဆုိုင်ရာ မှတ်ဥာဏ် များလည်း အားနည်းကြတဲ့အရွယ်။ အသက်အရွယ်များက ကြီးမားကြပေမယ့် ခွန်အားများကတော့ ကလေးငယ်ငယ်အရွယ်။

.

သူတုို့တွေကုိုမြင်တွေ့ရတော့ စိတ်ထဲမှာ ပြောပြဖုို့ခက်တဲ့ဝေဒနာတစ်ခုခု ခံစားရတယ်။ အသက်မသေလုို့ အသက်ရှည်ရှည်နေရဦးမယ်ဆုိုရင်ဖြင့် တချိန်ချိန်မှာ ဒီလုိုအခြေအနေမျိုးက ကုိုယ့်ဆီကုိုလည်း ရောက်လာဦးမှာ။ အဲဒီအချိန်အခါရောက်လာခဲ့ရင်ဖြင့်ဆုိုတဲ့အတွေးက စိတ်ထဲမှာ ကသိကအောက်ဖြစ်သလုိုလည်း ခံစားရတယ်။

 

တကယ်တော့ ဒါတွေက ရှောင်လွှဲလုို့ရနိုင်တာမျိုးမှ မဟုတ်တာ။ မကြာမီက ကွယ်လွန်သွားခဲ့တဲ့ ဆရာကြီးဦးအောင်သင်းပြောဖူးသလုို “မင်း မအုိုချင်ဘူးလား၊ မအုိုချင် မအုိုပဲနေလုို့ရတယ်။ မင်းအမေဝမ်းထဲက အူဝဲ ဂဲဆုိုပြီးထွက်ထွက်ခြင်း ဒေါက် ကနဲဆုို ကောက်သေလုိုက်၊ ဒါဆုိုရင်တော့ အုိုစရာ လုိုတော့မယ် မဟုတ်ဖူး” ဆုိုတဲ့စကားလုိုပါပဲ။ မအုိုချင်ဖူးဆုိုရင်ဖြင့် ငယ်ငယ်နဲ့သေဖုို့ပဲရှိတယ်။ ဒါတောင် တကယ့်တရား သဘောအရ ဆုိုရင်ဖြင့် အခုိုက်အတန့်မျှတော့ အုိုခြင်းဆုိုတာနဲ့ တွေ့လုိုက်ရဦးမှာပါ။

 

အသက်ရှည်ရှည်နေလုိုတယ်ဆုိုရင်ဖြင့် အုိုခြင်းဆုိုတာတွေ၊ နာခြင်းဆုိုတာတွေက တွေ့ကုိုတွေ့ရမှာ မလွဲပါဘူး။ ခုလုို အုိုသူတွေကုိုတွေ့ရတော့ ငယ်ငယ်က ရခဲ့ဘူးတဲ့ ဆရာကြီးမင်းသုဝဏ်ရဲ့ ကဗျာလေးက စိတ်ထဲပေါ်လာတယ်။

နောင်တသံသရာ

=========

ကြံမိမှား၍

တရားနောင်တ၊ နေခြည်ပသို့

ရခဲ့သည်လည်း များခဲ့ပြီ။

.

ဆိုမိမှား၍

တရားနောင်တ၊ နေခြည်ပသို့

ရခဲ့သည်လည်း များခဲ့ပြီ။

.

ပြုမိမှား၍

တရားနောင်တ၊ နေခြည်ပသို့

ရခဲ့သည်လည်း များခဲ့ပြီ။

.

နောင်တကင်းရာ၊ မြတ်ချမ်းသာကို

ငါလျှင်ဘယ်နံ့၊ ရပါအံ့ဟု

မျှော်ငံ့ခိုက်တွင်၊ နေမင်းဝင်သည်

မှောင်တွင်စမ်း၍၊ လှမ်းရသော ... ။   (မင်းသုဝဏ်)

 

စိတ်မှာသတိ မကပ်မိခြင်းများကြောင့် မကြံသင့်တဲ့အကြံတွေ ကြံစည်ခဲ့မိလုို့ ရင်မှာနောင်တ ရခဲ့ရတာတွေ၊ နှုတ်ဖျားစကား မထိမ်းခဲ့ညား လုို့ ပြောမှားဆုိုမှားဖြစ်မှုများကြောင့် ပူပန်နောင်တ ဖြစ်ခဲ့ရတာတွေ၊ သတိကုိုယ်မှာ မကပ်လေတာကြောင့် မအပ်မရာ လုပ်ခဲ့မိလုို့ ပူပင်သောကဖြစ်ရတာတွေ နည်းမှ မနည်းတော့တာ။

 

ကုိုယ့်ရဲ့ပြောမှားလုပ်မှားအကြံမှားများကြောင့် တစ်ပါးသူတွေ လွန်လွန်ကဲကဲ ထိခို်က်အနာတရ မဖြစ်ခဲ့ရလေတာကြောင့်တော့ ဖြေသာရ ပါသေးတယ်လုို့ပြောရမှာပါ။

 

ဘာပဲဖြစ်ဖြစ်ပါ။ ဇရာချဉ်းလုို့ နေမင်းမဝင်မီ ကျန်ရှိနေသေးတဲ့အချိန်လေးမှာတော့ နောက်နှောင်းနောင်တ နည်းနုိုင်သမျှနည်းရလေအောင် ငယ်စဉ်အချိန်အခါကထက် ကုိုယ်နှုတ်နှစ်လုံးသုံးပါးလုံးကုို ပုိုမုိုထိန်းသိမ်းရပေလိမ့်မယ်။

 

သံသရာဘဝရဲ့ အမှောင်လမ်းမှာ စမ်းတဝါးဝါးနဲ့ ရမ်းသမ်းလှန်းရမယ့်အဖြစ်က တွေးကြည့်ရင်ဖြင့် တကယ့်ကုိုပဲ ရင်လေးစရာပါ။ ။

 

2013 - Ashin Sirinda
Hosting Donated By Daw Myint Myint Thein (San Francisco)
Design By Thant Zin@MIET